చిన్నూ
ఏడు నెలలు ఏడు రోజుల్లా గడిచిపోయాయి
ఏడు నెలలు ఏం చేసాం , బ్లాగ్ లో కధలు , కవితలు
ఫోనులో కబుర్లు , వాట్స్ ప్ మెసేజెస్ , పేస్ బుక్ లో పోస్ట్ లు
నువ్వు రాసినవి బాగున్నాయి కన్నమ్మా! అంటావు నువ్వు
నవ్వుకుంటాను నేను .. ఎందుకో తెలుసా చిన్నమ్మా ?
నాకు రాయడం నేర్పించింది నువ్వే కదా మరీ !
నీకు రాత్రవు తుంది అంటే గుబులు నాకు ....
ఎన్నో కొత్త విషయాలు తెలుసుకోవాలి నీ నుండి ...
చిన్నమ్మా నా కధ రాయవూ! అని అడిగిన రోజు నాకు గుర్తుంది ..
నా కధ తెలియాలా లోకానికి ?ఇది ఒక రోజు నాకొచ్చిన అనుమానం
తెలియాలి అని కాదు చెప్పాలి .. ఇది నాకు నేను చెప్పుకున్న సమాధానం ...
నేనెవరో ఎక్కడి వాణ్ణొ ! నువ్వు తమ్ముణ్ణి చేసుకున్నావు
సొసైటీ లో ఎలా ఉండాలో నేర్పావు ...
నీ వెనుక నేను వున్నాను కన్నమ్మా ... అన్నావు .
అక్కవు .. అమ్మవు కూడా నువ్వే చిన్నమ్మా అంటే ..
సంతోషపడిపోయావు .. నేను బిజీ ఆఫీసు లో అంటాను ..
తినకుండా ఎదురుచూస్తావు .. చిన్నూ ! నీ కోసమే ..
పని ఆపుకొని ,, చిన్నమ్మా! డిన్నర్ ప్లేట్ లో పెట్టి తెచ్చుకో ! అంటాను ..
చిన్న పాపాయిలా సంతోష పడిపోతావు ..
నువ్వు తిను నాన్నా అంటావు .. హహహ .. నేను తిన్నది
లోపల ఉండదమ్మా! నీ సంతోషం కోసం తింటున్నా !
ఎందుకంటే చిన్నమ్మా ! నువ్వు నాకు కావాలి .. ఎందుకో తెలుసా
నాకు అక్కవి ,, అమ్మవి అన్నీ నువ్వే కదా చిన్నమ్మా !
నువ్వు రాసిన కధలు నాకిష్టం .. అందుకే నా కధ నువ్వు రాయాలి ..
నాన్నా బయట ఎక్కువ సేపు తిరగకమ్మా అంటావు .. నవ్వొస్తుంది ..
నా ఉద్యోగం .. నాన్నా .. ఆరోగ్యం బాగులేదు కదరా !
ఉద్యోగం మానెయ్యి అన్నావు .. హహహ .. ఎలా మానెయ్యాలి .?
కమల వెళ్ళిపోయిన రోజు .. ఎంత ఏడ్చానో !
నాన్నా ! ఏడవకమ్మా అని ఓదార్చావు ..
నా కష్టాలని నీ కష్టాలుగా భావించావు .. చిన్నూ !
ఏమిచ్చి నీ ఋణం తీర్చుకోగలను ?
పిచ్చి రాత తోనా ? చిన్న పాట తోనా ?
నువ్వు నా ఊపిరివి
ఎందుకు నా జీవితం లో కి వచ్చావో తెలియదు నాన్నా
నువ్వొచ్చాకే జీవితాన్ని మళ్ళీ ప్రేమించడం నేర్చుకున్నా
జీవితం లో మొదటి సారి మనసారా నవ్వాను
నిన్ను ఏడిపించినా, నువ్వు బాధపడి నన్ను నవ్వించావు
నీ ఇష్టాలన్నీ పక్కన పెట్టేసావు
నా కోసం తప్ప ఇంకా దేని కోసం ఆలోచించలేదు
చివరికి అందరిని వొదులుకోవడానికి సిద్ధపడ్డావు
అందుకే నువ్వంటే నాకు ఇష్టం నాన్నా
నాకోసం ఆలోచించే నువ్వు నాకు ప్రాణం నాన్నా
నీకు దూరంగా ఉండలేను....కానీ తప్పదు
ఇది జీవితం నాన్నా
నా మాటల్లో తప్పుంది అనుకుంటే అనుకోనీ
నా మనసులో ఏముందో నాకు తెలుసు ....
.... మన ఏడు నెలల పరిచయానికి గుర్తుగా ... (గోపి)
No comments:
Post a Comment