'కమలా' ల అశ్రు నివాళి

గుడ్ మార్నింగ్ నేను వచ్చేసా అంటూ పలకరింపులు

నేను నిన్ను డిస్టర్బ్ చేయను అంటూ అలకలు 

అంతలోనే   ష్...... ష్ అంటూ రహస్యాలు

గుర్తు పెట్టుకోవటానికి ఎన్నో జ్ఞాపకాలు 

మాకు ఇచ్చి నువ్వు వెళ్ళావు. 

అక్షరాలలోనే నీ రూపాన్ని చూసాను

వాటిలోనే నీ గొంతు విన్నాను

ఎదురుగానే కలుసుకుంటాను ఆన్నావు 

అప్పుడే నీ గొంతు వినమన్నావు 

కాని ఆ రూపం కనుమరుగయ్యింది
ఆ గొంతు మూగపోయింది.

తమ్ముడిని కలిసిన మొదటి రోజున
అమ్మ ని గుర్తు  చేసావుట
నీ రక్తాన్ని ఇచ్చి వాడిలో కలిసిపోయవు
స్నేహితురాలిగా వాడిని ఒదార్చావు
భార్యవి అయ్యి వాడికి తోడు అయ్యావు.

డబ్బు విలువ చెప్పావు
ధైర్యంగా ఉండటం నేర్పావు
వాడు బాధ పడితే నువ్వు ఏడ్చావు
ఒక్కడూ ఉండటానికి జాగ్రత్తలు చెప్పావు
పాపం అప్పుడు తెలియలేదు,
అవి అన్నీ జీవితాంతం గుర్తుపెట్టుకోవల్సినవని
నువ్వు వాడి కోసం పెట్టిన కన్నీరే
వాడికి మిగిల్చావని.

అమాయకురాలివనుకున్నాను
టింగరి  పిల్ల అంటూ ఏడిపించాను.
కానీ, చదువులో గోల్డ్ మెడలిస్ట్ వి అన్నారు
ఇంటి బాధ్యతలు తీసుకున్నావు
చెల్లెళ్ళు, మీ తమ్ముడి కోసం కష్టపడ్డావు
నాన్న కల నెరవేర్చాలని లెక్చరర్ వి అయ్యావు
అమ్మకి భయపడేదానివని తెలుసు
మళ్ళి అమ్మ తో కబుర్లు చెప్పనిదే నిదుర పోవు.
మరి నువ్వు లేని ఆ ఇల్లు ఈనాడు ఎంత శూన్యం అయ్యిందో.

నిన్ను ఆట పట్టించినందుకు
క్షమించమని అడగాలనుకున్నాను
అంతలో నే నువ్వు అనే మాట గుర్తు వచ్చి ఆగిపోయాను
"వదినా నువ్వు మా అమ్మ వే కదూ
అలా అని నన్ను బాధ పెట్టకూ" అంటూ

నువ్వు దూరం అయినా వాడు ఒంటరి అనుకోనీయలేదు
నీ కుటుంబంతో వాడిని కలిపావు
నీ బాధ్యతలు ఇప్పుడు వాడివి అని చెప్పావు.

అందరిలో మంచిని చూసావు 

నీకు కుదిరినంతలో ప్రతి వారికి సాయం చేద్దాం అనే అనుకున్నావు
అంత ఎందుకు అందరు నీ వాళ్ళనే అనుకున్నావు
నువ్వు గుర్తు వస్తే ఎన్ని కన్నీళ్ళో 

కానీ, అంతలోనే నీ మాటలు తలచుకుంటే అన్నే నవ్వులు 

కన్నయ్యా

కష్టం  వస్తే  కన్నీరు  లాగా  తోడుగా  ఉన్నావు
సంతోషంలో  నవ్వుల  పూవులే  పూయించావు
శత్రువులం  అయిపోయామా  అంటూనే  అక్క  మీద  ప్రేమని  చూపించావు
మాట్లాడుకోవద్దు అంటావు,  కానీ  కన్నా, ఉండగలవా  నువ్వు?

"ఇంకా" లు  "చెప్పు" ఇవీ  మన  కబుర్లు
అయినా  కుడా  గంటలు  గంటలు ఊసులు
కోపాలు, బాధపడటాలు
ఇంతలో   "సారీ" , " ప్లీజ్"  ల  తో  బుజ్జగింపులు
ఆ  కోపంలోను  ప్రేమే  కనిపిస్తుంది.
ఒకసారి  అన్నావు,
ఈ  మధ్య  కాలం  బాధ  పడిన  రోజులే  ఎక్కువని
కానీ, కన్నా ...బాధ  పడినవి  కొన్ని  క్షణాలు
ఆప్యాయంగా  మాటలు  చెప్పుకున్న  రోజులే  ఎక్కువ  కదూ.